⁣Rêxistinên Civaka Sivîl li Bakur û Rojhilatê Sûriyê bi daxuyaniyekê êrîşên dewleta Tirk a dagirker li dijî herêmê şermezar kirin û diyar kirin ku Tirkiyê bi van êrîşan hemû zagonên mafên mirovan bin pê dike.

⁣Şêniyên Herêma Firatê bi merasîmeke girseyî cenazeyên 5 şehîdên sivîl û şervanekî Encumena Leşkerî ya Minbicê yên ku di êrîşên dagirkeriyê de şehîd bibûn, oxir kirin.

⁣Doh derengiya Şevê Balafirên Dewleta Tirk a dagirker kargeha Bêtonê ya knatona Kobanê bombebaran kirin .
Nûçegihanên me çûne cihê bûyer û ji wir dîmenên herî nû girtin. di dîmenan de xuya dibe ku zirareke mezin gihiştiye Kargehê, em li dîmenan temaşe bikin.

⁣di heman çarçoveyê de Desteya Çandê ya herêma firatê bi daxuyaniyekê diyar kir ku êrîşên li dijî Rojava berdewamiya komploya li dijî Rêber APO ye.

⁣

DEWLETA TIRK A DAGIRKER JÊRXANE Û BINESAZIYA HERÊMÊ BOMBEBARAN DIKE


EHMED XOCE - ENDAMÊ ENCUMENA GIŞTÎ YA PYD- KOBANÊ

⁣Encumena Ciwanên Sûriya Demokratîk bi daxuyaniyekê êrîşên dewleta Tirk ên li dijî binesaziya herêmê şermezar kirin.

⁣Rêxistinên Jinan ên Reqayê bi Çalakiyekê Êrîşên Dewleta Tirk ên li dijî Herêmê Şermezar kirin, û destnîşan kirin ku dê hevgirtina Pêkhateyan êrîşên dagirkeran vala derxîne.

⁣Endamên Encumena Jinên Sûriyê Êrîşên dewleta tirk a dagirker ên li dijî herêmê şermezar kirin û gotin , dewleta tirk bi êrîşên xwe peymanên navneteweyî bin pê dike .

⁣Derbarê êrîşên dewleta Tirk ên li dijî herêmê de Parêzer û Çalakvanê Hiqûqî Mihemed Emîn Neîmî beşdarî bernameya Taybet a Rojava Tv bû û diyar kir ku Dewleta Tirk bi êrîşên xwe peymanên navneteweyî bin pê dike.

⁣Hevsrokê gerînendeya Ragihandinê ya Rêveberiya Xweser Ciwan Mele Îbrahîm got , dewleta Tirk a dagirker bi hedefgirtina jêrxaneya herêmê, dixwaze aramî û ewlehiyê têk bibe.

⁣

Siyasetmedar û Rûspyên Reqayê li hember Êrîşên dagirkeriya Dewleta Tirk piştgiriya xwe ji bo Rêveberiya xweser nîşan dan .
Her wiha bang li tevahî gel kirin ku li hember êrîşên dagirkeriyê asta Têkoşînê bilind bikin .

⁣Hevserokê nivîsgeha Enerjiyê ya Rêveberiya Xweser Ziyad Rustem ji Rojava TV re behsa êrîşên li dijî stasyonên elektrîkê û zererên wê dike û dibêje, ji ber bombebaranên dijwar, gelek deverên xizmetê ji kar derketine.

⁣Cîgira Hevserokatiya Encumena Cîbicîkar a Herêma Firatê Mizgîn Xelîl ji Rojava TV re ragihand ku, armanca Tirkiyê jinavbirina projeya Rêveberiya Xweser e.
Her wiha diyar kir ku, Tirkiyê dixwaze krîzên xwe yên navxweyî veşêre.

⁣Hevserokê desteya rêveberiya xwecihî ya Herêma Cizîrê Silêman Ereb bêhelwestiya Hikûmeta Şamê ya li hemberî êrîşan bi tundî şermezar dike û dibêje, ew weke Rêveberiya Xweser dê têkoşîna xwe ya demokratîk bidomînin.

⁣Serokê nivîsgeha Karûbarên koçberan a Rêveberiya Xweser Şêxmûs Ehmed ji Rojava TV re ragihand ku dewleta Tirk dixwaze tevliheviyan li kampên Roj û Holê derxîne, da ku malbatên DAIŞ'ê ji kampê birevin.
Şêxmûs Ehmed hişyarî da û tekez kir ku eger êrîş weha dewam bikin, dê kerasetên dijwar rû bidin.

⁣Welatiyên Reqayê bi meşekê êrîşên dewleta Tirk a dagirker şermezar kirin û li hember êrîşan banga bilindkirina Asta Têkoşînê kirin.

⁣Bi Sedan Xelkên navçeya Dirbêsiyê, Endamên Saziyên Sivîl û Encumenên sivîl bi armanca şermezarkirina êrîşên Dagirkeiyê yên li dijî Herêmê, daketin qadan û banga Rawestandina êrîşan kirin.

⁣Hêzên Ewlekariya Hundrîn ya Bakur û Rojhilatê Sûriyê bi merasîmeke bi heybet li şehîdlika Ş.Delîl Sarûxan ya bajarê Qamişlo şehîdekî xwe oxir kirin.

⁣NÎVÎN ÎBRAHÎM- NÛÇEGIHAN- KOBANÊ

⁣Endamê Ofîsa Têkilyan ê MSD'ê Baqî Hemze anî ziman ku dewleta Tirk bi êrîşên xwe hewl dide aloziyekê li herêmê derxe.