NÛÇE
Komîteya Diyaloga Kurdî Ya Partiyên Yekitîya Niştîmanî ya Kurd PYNK'ê civînek ji bo nîqaşkirina çawaniya avakirina yekrêziya Kurdî li dar xist.
Sekretêrê Giştî yê Partiya Demoqrat a Kurdî ya Sûrî Cemal Şêx baqî diyar kir ku, wan gelek mijar nîqaş kirine û piştgiriya xwe ya ji bo QSD'ê piştrast kiriye.
Xelkên Taxa Şêxmeqsûd ya Helebê êrîşên dewleta Tirk a dagirker şermezar kirin û gotin, ew tev li pişta Kobaniya berxwedanê ne.
Her wiha bang li tevahî sazî û rêxistinên navneteweyî kirin ku li hember kiryarên hovane bêdeng nemînin.
Şanogerê Kurd yê navdar Cuma Xelo ku weke bavê Teyar jî tê naskirin, berxwedana şervanên azadiyê ya li Pira Qereqozaq û bendava Tişrînê silav dike û ji goristana Şehîd Delîl Saroxan bang li partiyên Kurdî dike ku destê xwe bixin destê hev û yekîtiya neteweyî ava bikin.
Hevseroka PYD'ê Ayhan Murad ji Rojava TV re diyar kir ku, ev 13 sal in gelê herêmê ji bo bidestxistina azadî û serxwebûnê têdikoşe.
Her wiha got, armanca dewleta Tirk têkbirina projeya Neteweya Demokratîk e.
Li Dêrazorê pira li ser çemê Firatê ku bi navê Pira Leşker tê naskirin û herdu aliyên bajêr bi hev ve girê dide ku di êrişan de hilweşiya bû, ji nû ve tê sererastkirin.
kongra Îslama Demokratîk têkildarî êrîşên dagirkeriyê û şehadeta hevserokê kongireyê yê Til Birak Mele Ehmed Temî daxuyaniyek da û got dagirkeriya Tirk ji Islamê bêrî ye.
JI BO YEKKIRINA NÊRÎNÊN PARTIYÊN KURDÎ AMADEKARIYÊN KONFERANSEKÊ TÊN KIRIN
HÊVÎ MISTEFA - CÎGIRA HEVSEROKATIYA KNK'Ê- QAMIŞLO
ASAYÎŞ: DEWLETA TIRK A DAGIRKER LI TIL BIRAKÊ EREBEYEKE SIVÎLAN HEDEF GIRT
ASAYÎŞ: DI ÊRÎŞÊ DE 3 WELATÎ KU DI NAV DE OLDAREK JÎ HEYE ŞEHÎD BÛN
SULTAN TEMO- RÊVEBERÊ NIVÎSGEHA RAGIHANDINÊ YA KONGREYA ÎSLAMA DEMOKRATÎK
derbarê hedefgirtina rojnamevan Nazim Daştan û Cîhan Bîlgîn de rojnamevanên bajarê Kobanê axivîn û diyar kirin ku armanca dewleta tirk a dagirker qirkirina gelê kurd û tunekirina dengê heqîqetê ye.
Komîteya amadekar a konferansa bi armanca yekkirina nêrînên hêz û partiyên kurdî amadekariyên lidarxistina konferasenkê dike.
Welatiyên bajarê Amûdê bi meşekê piştgirî dan Hêzên Sûriya Demokratîk QSD'ê û êrîşên dewleta Tirk şermezar kirin.
Rêvebera Rêxistina Mafên mirovan ya kantona cizîrê Evîn Cuma derbarê hedefgirtina rojnemevanan de axivî û got, divê dewleta Tirk demildest were darizandin û dawiyê li kiryarên xwe yên hovane bîne.
Ji dema ku koçberên efrînî û xelkên şehba ji şehbayê bi darê zorê hatin koçberkirin, kombenda efrîn a civakî li bajaqê qamişlo seferberî ragihand û kampaniya komkirina alîkariyan jî destpêkir.
NAZIM DAŞTAN Û CÎHAN BÎLGÎN BÛN ŞOPGIRÊN XETA GURBETELÎ Û XELÎLAN
SERKEFT HISÊN- NÛÇEGIHAN- QAMIŞLO
DEWLETA TIRK A DAGIRKER HEWL DIDE LI DIJÎ KOBANÊ DEST BI ÊRÎŞEKÊ BIKE
EHMED ŞÊXO- HEVSEROKÊ SAZIYA ÇAVDÊRIYA GIŞTÎ YA RÊVEBERIYA XWESER- KOBANÊ
Bi armanca avakirina yekrêziya navmala kurdî şêx û rûsipiyên eşîran, partiyên siyasî, nûnerên MSD'ê, Hevpeymaniya Navdewletî û keseyetên serbixwe civînek li hola zana a bajarê Qamişlo li dar xistin.
Bi hilweşîna rêjîma beis'ê re û ji 8'ê kanûnê ve êrîşên dagirkeriya tirk li dijî herêmê zêdetir bûn.
Rojnamevanên herêmê jî bertek nîşanî hedefgirtina rojnamevanan dan û tekez kirin ku ewê li ser şopa şehîdan, di derxistina rastiya dagirkerî û sûcên wê de bi israr bin.
Hevserokê yekîtiya ragihandina azad YRA Dilyar Cizîrî derbarê hedefgirtina rojnamevanan tekez kir ku Li gorî peymana cinêv hedefgirtina rojnamevanan dikeve xaneya sûcên şer û dewleta tirk dixwaze bi vê yekê dengê ragihandina azad qut bike, da ku sûcên xwe yên li herêmê pêk tîne, binuximîne.
Dilyar Cizîrî tekez kir ku ewê bi aşkerekirina rastiyan tola hevalên xwe hilînin.
Yekîtiya Ragihandina Azad û Yekîtiya Ragihandina Jin Derbarê êrîşa dagirkeriya tirk ya li dijî erebeya rojnamevanan ku di encam de 2 rojnamevan cîhan bîlgîn û Nazim Daştan şehîd bûn, daxuyaniyek li ber navenda mihemed şêxo ya bajarê Qamişlo dan.
Yekîtiyan êrîşa dagirkeriya Tirk a li dijî rojnamevanan bi tundî şermezar kirin û tekez kirin ku ew pênûs û kameraya wan li erdê nehêlin û bang li saziyên ragihandin û mafên mirovan kirin ku helwest nîşan bidin.